Адам қарады: 85 | Жарияланды: 2019-04-19 03:37:23

Ана әлдиі

Ең ақылды, ең көркем,

Таңғажайып баласың.

Өзің өскен елге ертең

Ер жеткенде– панасың.

Әлди-әлди, әлди-ай,

Әлдилейді анашың.

Сенде үміт, сенімім,

Ел қорғамас ер ме екен?!

Өр болып өс деп, ұлым,

Бесігіңді тербетем.

Әлди-әлди, әлди-ай,

Жарыста озып кел бөпем!

 

Ең ардақты, сүйікті,

Балдай тәтті баласың.

Біз алмаған биікті

Өзің жеңіп аласың.

Әлди-әлди, әлди-ай,

Біл өмірдің бағасын.

 

Ең қымбатты сүйкімді

Кіп-кішкене баласың.

Бөлмейді ешкім ұйқыңды,

Ән салады анашың.

Әлди-әлди, әлди-ай,

Қазір ұйықтап қаласың.

 

Бүгін бала болғанмен,

Сен ертеңгі данасың.

Жүріп даңғыл жолдармен,

Өзің де із саласың.

Әлди-әлди, әлди-ай,

Ізде, бақыт табасың!

Қазақ тілінде жазылған